NJOFTIM ME SHPALLJE PER PROÇES GJYQSOR PER NJOFTIMIN E: Flori Pali

REPUBLIKA E SHQIPËRISË
 GJYKATA E POSAÇME E SHKALLËS SË PARË
PËR KORRUPSIONIN DHE KRIMIN E ORGANIZUAR

Nr.29/119 Akti                                                                                       Tiranë, më datë 16.12.2024

Lënda:Kërkohet afishimi i urdhërit të thirrjes për seancën paraprake për të pandehurin Flori Pali.

KRYESEKRETARISË

Në datë 26.12.2024, ditë e enjte, ora 09.30, në Gjykatën e Posaçme të Shkallës së Parë për Korrupsionin dhe Krimin e Organizuar, ndodhet për gjykim, kërkesa penale (paraprake) që i përket:

KËRKUES:                     Prokuroria e Posaçme Kundër Korrupsionit dhe Krimit të Organizuar.

OBJEKTI:                      Dërgimin në gjyq të çështjes penale me nr.40 të vitit 2022, në ngarkim të pandehurve:

                                          1.Flori Pali

AKUZUAR:                    Për kryerjen e veprave penale të: “Prodhim dhe shitje e narkotikëve” kryer në bashkëpunim në formën e grupit të strukturuar kriminal dhe më shumë se njëherë, parashikuar nga neni 283 paragrafi 2 dhe neni 28 pika 4 të K.Penal; “Trafikim të narkotikëve”, kryer në bashkëpunim në formën e grupit të strukturuar kriminal dhe më shumë se njëherë, parashikuar nga neni 283/a paragrafi 2 dhe neni 28 pika 4 të K.Penal; “Pastrim të produkteve të veprës penale ose veprimtarisë kriminale”, kryer në bashkëpunim në formën e grupit të strukturuar kriminal, parashikuar nga neni 287/1/4 dhe neni 28/4 të K.Penal; “Grupi i strukturuar kriminal”, në formën e krijimit, organizimit dhe drejtimit të grupit të strukturuar kriminal, parashikuar nga neni 333/a paragrafi 1 të K.Penal; “Kryerja e veprave penale nga organizata kriminale dhe grupi i strukturuar kriminal”, parashikuar nga neni 334 pika 1 të K.Penal.

                                          2.Fredi Pali

AKUZUAR:                     Për kryerjen e veprave penale të  “Pastrim të produkteve të veprës penale ose veprimtarisë kriminale”, kryer në bashkëpunim në formën e grupit të strukturuar kriminal, parashikuar nga neni 287/1/4 dhe neni 28/4 të K.Penal; “Grupi i strukturuar kriminal”, në formën e pjesëmarrjes në grupin e strukturuar kriminal, parashikuar nga neni 333/a paragrafi 2 të K.Penal; “Kryerja e veprave penale nga organizata kriminale dhe grupi i strukturuar kriminal”, parashikuar nga neni 334 pika 1 të K.Penal.

BAZA LIGJORE:          Neni 327/6 gërma “b”, 331 dhe 332/dh/1 gërma “a”, të K.Pr.Penale.

Referuar urdhërimeve të deritanishme të Gjykatës për kërkimin dhe njoftimin e të pandehurit Flori Pali, i biri i Ndue dhe i Dile, i datëlindjes 26.09.1977, lindur në Kalivaç, Lezhë dhe banues në Ungrej, Gjonbardhaj, Lezhë, në adresën e dhënë brenda territorit të Republikës së Shqipërisë nga organi i akuzës, bazuar në nenin 140 pika 5 të Kodit të Procedurës Penale, Gjykata çmon të nevojshme kryerjen e njoftimit të këtij shtetasi, ndërmjet të tjerave, edhe nëpërmjet afishimit të urdhërit të njoftimit në këndin e afishimit dhe në faqen e internetit të Gjykatës, sikurse edhe pranë Njësisë Administrative pranë së cilës gjendet vendbanimi i këtij shtetasi, si dhe në portën e banesës së tij.       

                                              

PËR KËTO ARSYE

Gjykata, bazuar në nenin 140 /a pika 2  të Kodit të Procedurës Penale

                                   URDHËRON:

Kryesekretarinë pranë Gjykatës së Posaçme të Shkallës së Parë për Korrupsionin dhe Krimin e Organizuar të afishojë:

1. në këndin e afishimit/njoftimeve dhe
2. në faqen e internetit të gjykatës njoftimin me shpallje publike për shtetasin Flori Pali.

Sa më lart, të zbatohet urdhërimi i gjykatës për afishimin në këndin e afishimit të Gjykatës së Posaçme të Shkallës së Parë për Korrupsionin dhe Krimin e Organizuar dhe në faqen e internetit të kësaj gjykate.

GJYQTARE

FLORA HAJREDINAJ