Njoftime për shpallje konkurrimi për vend të lirë pune

NJOFTIM PËR SHPALLJE KONKURRIMI PËR VEND TË LIRË PUNE

Logo koka dokumentit

REPUBLIKA E SHQIPËRISË
GJYKATA E POSAÇME E SHKALLËS SË PARË
PËR KORRUPSIONIN DHE KRIMIN E ORGANIZUAR

Nr. 1646 Prot.                                                                                                Tiranë, më 30.04.2024

NJOFTIM

PËR SHPALLJE KONKURRIMI PËR VEND TË LIRË PUNE

Bazuar ne ligjin nr. 98/2016 datë 06.10.2016 “Për organizimin e pushtetit gjyqësor në Republikën e Shqipërisë”, Gjykata e Posaçme e Shkallës së Parë për Korrupsionin dhe Krimin e Organizuar, Tiranë, shpall konkurrimin për vend të lirë pune, si më poshtë :

- Për 1 (një) vend, në pozicionin Sanitar/e, pranë Gjykatës së Posaçme të Shkallës së Parë për Korrupsionin dhe Krimin e Organizuar.

- Kërkesa të përgjithshme, kandidati duhet të plotësoj të gjitha kërkesat e përgjithshme për pranimin në  shërbimin civil, sipas nenit nr. 55, të Ligjit nr. 98/2016 datë 06.10.2016 “Për organizimin e pushtetit gjyqësor në Republikën e Shqipërisë”. Marrëdhëniet e punës për pozicionin Sanitar/e rregullohen sipas dispozitave të Kodit të Punës në RSH.

Përshkrimi i përgjithshëm i punës për pozicionin Sanitar/e dhe detyrat që ajo kryen,  janë si  më poshtë:

“Sanitarja” është punonjëse e administratës së gjykatës dhe përmbush detyrat e mëposhtme:

  1. Pastrimi i ambjenteve të brendshme të institucionit (zyrat sipas ndarjes së kateve përkatëse, hollet, shkallët, sallat e gjyqeve, vetratat, etj).
  2. Pastrimi i parkimit të bodrumit dhe dhe ambienteve në bodrum (dhomave dhe qelive të paraburgimit).
  3. Pastrimi i ambienteve të jashtme (vetratat, oborrin e institucionit, lulishtet, etj).
  4. Mirëmbajtja e luleve sipas kateve brenda dhe jashtë institucionit.
  5. Të njoftojë kancelarin dhe specialistët e sektorit të shërbimeve mbështetëse për defektet që konstaton në ambientet e tyre të pastrimit.
  6. Detyra të tjera të dhëna nga eprorët.

-Kërkesat e veçanta për pozicionin Sanitar/e, janë si  më poshtë:

  • Të ketë Diplomë të paktën të shkollës 8 vjeçare (diploma e shkollës së mesme përbën përparësi).
  • Të ketë aftësi të mira komunikimi dhe të punës në grup.
  • Të mos ketë masa disiplinore në fuqi, ose të mos jetë në proçedim disiplinor.

-Kandidati duhet të paraqesë zyrtarisht, brënda datës 14.05.2024, pranë Zyrës së Protokollit të Gjykatës së Posaçme të Shkallës së Parë për Korrupsionin dhe Krimin e Organizuar, dokumentat e mëposhtëme:

  • Kërkesë motivimi për aplikim në vendin e punës që konkuron.
  • CV.
  • Fotokopje e kartës së identitetit.
  • Fotokopje të noterizuar të diplomës dhe listës së notave.
  • Fotokopje të librezës së punës,
  • Vërtetim të gjendjes shëndetësore (raport i aftësisë në punë).
  • Vërtetim nga gjykata.
  • Vërtetim nga prokuroria.
  • Vërtetim i gjendjes gjyqësore (formulari i vetdeklarimit të gjëndjes gjyqësore).
  • Kontaktet (numër telefoni dhe adresë email) dhe adresën e plotë të vendqëndrimit.
  • Vërtetim banimi.

Mosparaqitja e plotë e dokumentave sjell skualifikimin e kandidatit.

Konkurrimi zhvillohet në dy faza:

  1. Verifikimi paraprak, i përmbushjes së kushteve minimale për pozicionin e punës dhe kërkesave të veçanta në shpalljen për konkurrim, do të kryhet brenda datës 15.05.2024, në ambientet e Gjykatës, dhe brenda datës do të shpallet lista e kandidatëve që plotësojnë kushtet e përgjithshme dhe të veçanta në shpalljen për konkurrim. Kandidatët që nuk kualifikohen do të njoftohen nëpërmjet e-mailit.

  1. Intervista e strukturuar me gojë, për kandidatët fitues të fazës së parë, do të zhvillohet më datë 16.05.2024 ora 10:00, pranë ambienteve të Gjykatës së Posaçme të Shkallës së Parë për Korrupsionin dhe Krimin e Organizuar.

  • Fusha e njohurive, aftësitë dhe cilësitë që do të vlerësohen në intervistë janë :

Ligji nr. 98/2016 “Për organizimin e pushtetit gjyqësor në Republikën e Shqipërisë”; Ligji nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, Ligji nr. 9131 datë 08.09.2003 “ Për rregullat e etikës në Administratën Publike”, si dhe njohuri bazë në lidhje me pozicionin e punës.

Vlerësimi i kandidateve do të bëhet sipas kërkesave të ligjit nr. 98/2016 “Për organizimin e pushtetit gjyqësor në Republikën e Shqipërisë”

Data e daljes së rezultateve do të jetë 17.05.2024

Njoftimi dhe komunikimi për kandidatët do të jetë nëpërmjet telefonit dhe adresës së e-mailit të kandidatit

                           GJYKATA E POSAÇME E SHKALLËS SË PARË PËR KORRUPSIONIN

DHE KRIMIN E ORGANIZUAR

Rr. “Jordan Misja”, Nr.1, 1057, Tiranë, telefon 042231528, faks 042231527, e-mail: sekretaria@gjp.gov.al