VENDIM
REPUBLIKA E SHQIPËRISË
GJYKATA E POSAÇME E SHKALLËS SË PARË
PËR KORRUPSIONIN DHE KRIMIN E ORGANIZUAR
KËSHILLI I GJYKATËS
Nr.1790/2 prot. Tiranë, më 07.07.2023
VENDIM
Nr. 3, datë 07.07.2023
PËR
“REVOKIMIN E VENDIMIT NR.2, DATË 31.05.2023
TË KËSHILLIT TË GJYKATËS”
Me vendimin nr.2, datë 31.05.2023, Këshilli i Gjykatës vendosi miratimin e strukturës dhe organigramës së Gjykatës së Posaçme të Shkallës së Parë për Korrupsionin dhe Krimin e Organizuar me 73 (shtatëdhjetë e tre) punonjës, duke përfshirë këtu 8 (tetë) pozicione shtesë, të cilat parashikoheshin në strukturën dhe organigramën standarte të miratuar nga KLGJ-ja me vendimet nr.147 dhe nr.148 të datës 29.03.2023, ndërkohë që numri i organikës së miratuar për Gjykatën e Posaçme të Shkallës së Parë për Korrupsionin dhe Krimin e Organizuar është 65 (gjashtëdhjetë e pesë) punonjës. Në këto kushte, mbështetur në nenet 37, 38, 41 të Ligjit nr.98/2016 “Për organizimin e pushtetit gjyqësor në Republikën e Shqipërisë”, i ndryshuar, në Vendimin e Këshillit të Lartë Gjyqësor nr.147, datë 29.03.2023 “Për përcaktimin e kategorive të gjykatave” si dhe në Vendimin e Këshillit të Lartë Gjyqësor nr.148, datë 29.03.2023 “Për miratimin e rregullave standarte për organigramën, përshkrimin e detyrave dhe përgjegjësive të pozicioneve të nëpunësve civilë gjyqësorë dhe punonjësve të tjerë të gjykatave të shkallës së parë të juridiksionit të përgjithshëm, kategoria e parë, me zyrë shërbimi”, Këshilli i Gjykatës i përbërë nga Zëvendëskryetarja Irena Gjoka, gjyqtarja Etleva Deda dhe Kancelari Saimir Shyti, në mbledhjen e tij, të datës së sotme 07.07.2023, me propozim të Zëvendëskryetares së Gjykatës,
V E N D O S I:
- Revokimin e vendimit nr.2, datë 31.05.2023 “Për miratimin e strukturës dhe organigramës së Gjykatës së Posaçme të Shkallës së Parë për Korrupsionin dhe Krimin e Organizuar” për shkak të riorganizmit të strukturës aktuale të miratuar, në fuqi, prej 65 punonjësish.
- Dërgimin e këtij vendimi pranë Këshillit të Lartë Gjyqësor brenda afateve të përcaktuara.
- Ngarkohet nëpunësi i IT-së të bëjë publikimin e vendimit në faqen e Gjykatës së Posaçme të Shkallës së Parë për Korrupsionin dhe Krimin e Organizuar, në internet.
- Ngarkohet Kancelari të marrë masat në lidhje me zbatimin e këtij vendimi.
- Ky vendim hyn në fuqi, më datë 07.07.2023.
KËSHILLI I GJYKATËS
Anëtar/Kancelar Kryetare/Zëvendëskryetare Anëtare/Gjyqtare
Saimir SHYTI Irena GJOKA Etleva DEDA